開畫首周只收3,000萬係咩概念？即係低過《閃電俠》同《沙贊！眾神之怒》，或成DC今年最差開畫票房電影。唔知大家有冇打算入場呢？

DC首部拉丁裔超級英雄片《Blue Beetle（藍甲蟲）》將於下周（17日）正式上映，故事講述剛從大學畢業嘅Jaime Reyes（Xolo Maridueña 飾）回到家鄉，本以為可以一展抱負，卻發現老家已經今非昔比。正當佢摸索緊人生目標時，意外被外星生物科技「聖甲蟲」選為宿主，繼而獲得超能力盔甲成為新一代藍甲蟲，命運從此改寫。

據了解，《Blue Beetle》早於濱田沃特掌權時期開發，最初計劃以劇集形式於串流平台Max（前稱HBO Max）播出，但後來James Gunn與Peter Safran入主DC後，兩人都非常睇好呢位角色，決定將作品搬上大銀幕，並打算將藍甲蟲塑造成新DC宇宙常駐英雄。不過影評人方面就唔多睇好，其中外媒《Deadline》就預測《Blue Beetle》開畫首周僅收3,000萬美元票房（只計美國本土），低過《閃電俠》首周5,500萬票房，以及《沙贊！眾神之怒》首周3,010萬票房，若然預測正確，呢部成本高達1.2億美元嘅電影有可能會蝕本收場。