雖然有Lily-Rose Depp大尺度演出，並以BLACKPINK Jennie進軍荷里活首作招徠，但劇情唔掂，最終都難逃腰斬嘅命運。

HBO限制級劇集《The Idol（偶像漩渦）》由《Euphoria（高校十八禁）》主創Sam Levinson操刀製作，並邀請到著名歌手The Weeknd、Johnny Depp女兒Lily-Rose Depp，以及BLACKPINK成員Jennie主演，故事講述一位夜店老闆兼邪教領袖，幫助一位年輕偶像再創事業高峰，兩人同時有住非比尋常嘅關係，當中涉及性愛、毒品等18禁元素。

《The Idol》首集播出時雖然成功引起話題，吸引近百萬人觀看，但後來因為劇情暴走，導致口碑及收視率每况愈下，Rotten Tomatoes上更只得19%新鮮度超低評分，令HBO將原定第一季6集縮減至5集，如今亦正式宣布腰斬不續第二季。

HBO透過聲明表示：「《The Idol》係HBO最具爭議性嘅原創節目之一，我哋好開心見到觀眾嘅強烈反應，但經過深思熟慮反，HBO、創作者及製片人決定唔再開發二季。我哋對創作者、演員及工作人員嘅出色工作感激不盡。」