為紀念「哥斯拉」系列誕生70周年，日本東寶將於今年11月推出全新真人電影《哥斯拉-1.0》，並搵嚟神木隆之介及濱邊美波主演，描述日本戰後混亂時期。

《哥斯拉-1.0》為東寶哥斯拉系列第30部作品，由《STAND BY ME:多啦A夢3D》、真人版《寄生獸》導演山崎貴執導及編劇，故事背景設定在日本戰後混亂時期，講述哥斯拉嘅出現令情況雪上加霜，為社會帶嚟前從未有嘅絕望，將整個國家從「零」推至「負一」嘅狀態，同時亦係電影標題「-1.0」嘅由來。究竟飽受戰火摧殘、一無所有嘅戰後日本，會有咩方法對抗強大嘅哥斯拉呢？

至於演員方面，除咗邀請到《浪客劍心》神木隆之介及《新·幪面超人》濱邊美波領銜主演，亦搵嚟山田裕貴、青木崇高、吉岡秀隆、安藤櫻、佐佐木藏之介等實力派演員。電影預計11月3日於日本率先上映，其後喺12月1日於北美地區上映，而香港方面就暫時未有消息。