《小熊維尼：血與蜜》續集繼上星期宣布正式開鏡後，近日官方再度公開更多資訊，率先貼出全新角色「跳跳虎」（Tigger）造型照，可以見到鮮血從跳跳虎口中流出，唔通係剛剛「品嚐」完受害者？

因為版權問題，《小熊維尼》經典角色跳跳虎未能喺首集出現，但隨住跳跳虎將於2024年1月正式進入公家領域，任何人都可以免費改編二創，跳跳虎終於可以喺續集與維尼團聚。製作人Scott Jeffrey亦透露，片中嘅跳跳虎非常暴力，鍾意將受害人狠狠折磨一番，然後先將對方殺死。

除此之外，編劇兼導演Rhys Frake-Waterfield亦表示續集成本比首集高好多，將會有更大更壞嘅生物、全新演員陣容，以及令人震撼嘅死亡人數，預計明年2月於英國上映。