由新生代男星Timothée Chalamet主演、《Paddington》系列導演Paul King執導嘅《Wonka》氣勢如虹，上周於北美開畫隨即成為周末票房冠軍，截至目前全球票房更高達1.5億美元。

奇幻歌舞喜劇《Wonka》為《Charlie and the Chocolate Factory（朱古力獎門人）》前傳電影，講述年輕時期嘅Willy Wonka前往一座無名城市販賣魔法朱古力實現夢想，卻遭到當地朱古力製造商處處刁難及阻止，樂觀嘅Wonka仍保持積極態度面對各種難關。電影目前於影評網站「爛番茄」（Rotten Tomatoes）分別獲得84%新鮮度及91%影迷評分，唔少評論都稱讚《Wonka》活潑有趣，令人沉醉於既夢幻又歡樂嘅場景，非常適合聖誕節嘅歡快氣氛，值得一睇。

據了解，《Wonka》製作成本為1.25美元，再加上超過1億美元嘅宣傳費用，預計全球票房需達2.4億美元先能夠收支平衡，不過按照目前走勢，要回本絕對唔係難事。