元祖配色Air Jordan 1，簡單紅、白、黑三色配襯高筒鞋身，於1985年首次曝光後，已經得到唔少波鞋迷歡心，佢亦喺唔少波鞋收藏家嘅必攻對象，咁多年嚟，大家都等緊佢，希望至1994年原版復刻後，品牌會再三復後， 但等吓一年，等吓又一年，足足等咗21年，品牌先至決定喺AJ30周年嘅重要時刻，宣佈再次復刻呢對被喻為經典中嘅經典鞋王。
售價$1,249
Air Jordan 1 Retro High OG，又名「Chicago」，將會以最接近元祖版本嘅鞋型重新復刻，同時，隨波鞋附送黑、白色鞋帶以外，亦會配多一條紅色鞋帶俾大家輪流使用，以配合鞋身主色。除咗鞋型盡跟之外，新鞋放喺鞋盒時，只穿一條鞋帶嘅傳統亦都跟足以往，球迷一開盒見到就更加覺得窩心。
留意番老大哥都有穿過紅色鞋帶
見番老大哥呢張相，更加想即刻擁有AJ1！ Air Jordan 1 Retro High OG鐵定5月30日，喺香港指定Nike店發售，只要即日起至聽日，上 Nike 官網登記就有機會購入！ |
