《Game of Thrones》原作者George R.R. Martin表示，現時愈嚟愈多荷里活製作人及編劇喜歡擅自改編原著，並自以為能夠將故事改得更好，但結果有99.9%人都會將故事改爛。

最近George R.R. Martin於個人網誌指出荷里活胡亂改編現象，批評當今大部份製作人及編劇都唔忠於原著，喜歡將作品改編成「自己的故事」。即使原作者係Stan Lee、Charles Dickens、Ian Fleming、Roald Dahl、Ursula K. Le Guin、J.R.R. Tolkien、Mark Twain、Raymond Chandler、Jane Austen等偉大人物，佢哋都毫不在乎，總有人認為自己能夠將故事改得更好，仲會同你講啲看似深奧嘅道理「書就是書，電影就是電影」，然後將故事據為己有。然而，佢哋從來都冇將故事改得更好，1000次入面有999次都係將原著改爛。

話雖如此，George R.R. Martin表示最近有一部作品改編得非常好，就係由真田廣之主演嘅史詩影集《幕府將軍（Shōgun）》，並大讚編輯團隊忠於原著，成功忍住「將故事據為己有」嘅衝動，相信原作者一定感到非常高興。目前《幕府將軍》已於Disney+上架，在影評網站「Rotten Tomatoes」分別獲得99%新鮮度及90%觀眾評分超高評價，有興趣嘅朋友不妨了解一下。