據台灣媒體報導，去年於香港上映（日本係2022年12月上映）嘅《SLAM DUNK》劇場版電影《THE FIRST SLAM DUNK》將於6月10日登陸Disney+，換言之各位當日喺戲院唔夠膽喊出聲，又或者怕喊而冇入場嘅Fans，黎緊就可以於家中慢慢感動啦。

《THE FIRST SLAM DUNK》由原作者井上雄彥編劇和執導，並以漫畫及動畫原作最終章《全國大賽篇—湘北VS山王工業》改篇而成。比起原版，《THE FIRST SLAM DUNK》以宮城良田為主視角，並加入原作中冇回憶片段，揭示宮城與哥哥宗太嘅關係，以及宮城被哥哥影響下開始打籃球嘅經過。

電影最早於2022年12月於日本上映，最終日本本土票房為158.7億日元，係史上第八高票房嘅日本本土電影。而電影於2023年1月於香港上映後，最終票房亦衝破4000萬港元。