由清水茜所著嘅《工作細胞》（はたらく細胞）以幽默詼諧方式介紹人體器官及免疫系統運作，自2018年推出動畫版後大受好評，如今更宣布推出成真人版電影，預計今年12月於日本上映。

《工作細胞》真人版電影由《電車男》、《交響情人夢》、《羅馬浴場》導演武内英樹執導，《飛翔吧！埼玉》編劇徳永友一撰寫劇本。佐藤健將飾演「白血球」，而永野芽郁則飾演「紅血球」，同時亦係兩人繼2018年《半邊藍天（半分、青い。）》後再度共演，其他演員陣容有仍官方後續公布。

日本人氣動漫《工作細胞》由清水茜所著，自2015年3月起於《月刊少年天狼星》連載，並於2021年3月完結，作者幽默地將人體各個細胞「擬人化」，講述細胞們每天工作、與病菌對抗嘅故事，搞笑得嚟又具有科普價值，深受大朋友及小朋友歡迎，唔少日本學校甚至會當成教材使用。