4月上映嘅《機動戰士高達SEED》系列續編《機動戰士高達SEED FREEDOM》，唔單止係一部幾好睇嘅動畫電影，更加承載著一整代男人嘅青春回憶。咁睇完戲係咪代表回憶就完呢？依家你就有多個方法延續你嘅青春，因為有香港廠商推出全球限量5000套嘅《機動戰士高達 SEED FREEDOM》特別版八達通紀念珍藏套裝。

過去曾引入《THE FIRST SLAM DUNK》電影，以及推出多部日本動畫週邊嘅動漫代理商羚邦集團，今日宣佈會推出《機動戰士高達 SEED FREEDOM》特別版八達通紀念珍藏套裝。以兩位主角基拉及阿斯蘭為設計主軸，以前、後兩面分別展示他們駕駛的「突擊自由高達貳式」及「無限正義高達貳式」，更配以戰艦「大天使號」為概念設計、有獨立序號的收藏盒，再加兩部機體形象的金屬磁石徽章及活動立座，以及一套四張的電影插畫明信片。套裝將於6月26日至7月23日於Ani-Mall及指定7-11預購雙搶先預售，預購價為HK$368，發貨日期預計為2024年10月下旬。

同一時間，Ani-Mall上亦會同步推出一系列《機動戰士高達 SEED FREEDOM》實用獨家週邊精品，當中包括型格遇熱變色杯、運動外套、摺疊旅行袋，以「突擊自由高達貳式」及支援機「自豪防衛者」為設計的卡片套及首次推出的鑰匙包等，有興趣都可以去選購。

資料來源：Ani-Mall