唔知大家仲記唔記得，早些年疫情期間因為晶片短缺加上需求大幅上升，PS5、Xbox及Switch等遊戲機被炒得水漲船高，想玩就只好捱貴價幫襯黃牛。為免即將推出嘅Switch 2出現同類情況，最近任天堂社長承諾會確保有足夠存貨先會開賣。

任天堂社長古川俊太郎日前在股東大會上，被問如何阻止黃牛炒賣Switch 2，以及會否再有缺貨情況出現時。古川俊太郎表示任天堂將會生產足夠主機以應對市場需求，並提到去年及前年Switch之所以會供不應求，係源於半導體部件短缺所致，而有關情況目前已經「解決」。另外，現時任天堂現亦針對各地情況及法律，正考慮能否採取其他對策防範黃牛轉售。

據任天堂先前公告，Switch繼任機型將於本個財政年度（2024年4月-2025年3月）內公布，但值得注意嘅係，公布並不等於公開發售，正式發售日期可能會更加遙遠。例如當年Nintendo Switch就早於2015年3月公布，但2017年3月先正式公開發售。