Marvel Studios日前於聖地牙哥動漫展(SDCC)驚喜宣布Robert Downey Jr.將重返MCU飾演大反派「末日博士 Dr.Doom」，羅素兄弟亦會回歸執導《Avengers》第5、6集，消息震撼全球影迷。要重新集結呢班「真．Marvel Jesus」固然價值不菲，有消息人士就透露羅素兄弟片酬高達8000萬美元，而RDJ薪酬待遇更遠超呢個數字。

羅素兄弟

據外媒《Variety》報導，回歸執導《Avengers: Doomsday》及《Avengers: Secret Wars》兩部復仇者聯盟續集嘅羅素兄弟將獲得8000萬美元片酬，雖然合約不包含票房分紅，但當票房突破7.5億和10億美元門檻時會獲得額外獎金。除此之外，羅素兄弟更會透旗下製作公司AGBO製作呢兩部電影，情況實屬罕見，事關Marvel通常唔會同外部製片公司合作。

至於MCU「開國功臣」Robert Downey Jr.，消息人士指RDJ片酬顯然比羅素兄弟更多，合約更包括私人飛機接送、專屬保鏢，以及拍攝期間提供一個設施齊全嘅拖車營地用作休息。消息人士亦透露，除咗薪酬遇之外，RDJ其中一個回歸條件就係電影必需由羅素兄弟執導，因此促成了呢個組合再次集結。

若然消息實屬，意味住羅素兄弟加上RDJ三個人就花費Marvel約2億美元。但話說回來，對比起羅素兄弟之前執導嘅《Avengers 3: Infinity War》及《Avengers 4: Endgame》，兩集合共全球大收48.5億美元票房，2億美元並唔算一個大數目。