文:MenClub 魏文青  
POSTED ON August 28, 2024 11:00 pm

一般黎講,人去到40至45歲以上先進入所謂「中年」階段,但對於女明星,往往進入三字頭就已經被人叫緊「(輕)熟女」,就黎「奔四」就絕對係「中女」無誤。但邊個話「中女」唔可以生得好正?好似今晚要介紹嘅呢位「戸田れい」咁,就係個入得廚房、出得廳堂、你一定唔介意同佢上得大床嘅超正女人。

1987年出世嘅「戸田れい」今年已經37歲。佢最早於2002年出演日本電視台嘅劇集出道,後來踏足寫真界,2009年時佢參加日本入口網站「Mobage」舉行嘅選美活動,贏過亞軍及最上鏡小姐,之後就一直以藝人、演員、寫真女星身份活躍。但你又唔好以為佢已經係上個世代嘅人喎,事實上佢自2005年開始出寫真DVD,到2021年為止總共出過31隻;如果睇雜誌寫真,更係2019年,即係佢32歲後先迎來爆發,可以話係「越熟越勇」呀!

「戸田れい」能夠於30歲後創下寫真高峰,一方面當然係佢外表Keep得非常好,另一個原因,就係佢有一個「廚娘」身份。卻非常鍾意煮嘢嘅佢,於2018年透露自己20歲開始就於一間餐廳做廚師,每個禮拜返五日工,結合佢嘅年紀,就好易令人有種「好老婆」嘅幻想。試想像你娶佢返屋企,食完佢煮嘅飯再食埋佢…整嘅甜品,幾幸福呀。

不過人哋舊年同個圈外人結咗婚嚕,所以大家都係相罷啦!

IG:rei_toda