| 雖然近年嘅《Metal Gear Solid》通常都係賣畫面，但相信由PS年代就開始支持嘅Fans，都會記得當年佢係賣獨特嘅遊戲性，畫面並唔係重點(想當年我第一次開隻《MGS2》黎玩，見到Snake啲眼耳口鼻「毑」埋一著我都呆一呆)。例如點樣用個紙箱潛入敵陣、敲牆引走啲警衛、食煙睇紅外線等等等等。咁如果我問你，當中最有代表性嘅音效係咩？ | |
相信大家嘅答案都係呢下「！」聲！ 每次聽到呢下聲，就代表你已經被敵人發現，一係就打死哂佢哋過關(而大多數情況都係冇可能)，一係就要快手匿埋等個倒數完結。想當年嘅文青就因為卡關，所以不停咁「！」->匿入廁所->倒數夠鐘->警衛喺門口->「！」->匿入廁所，無限Loop咗成個鐘！ 近日Taito就出咗兩盛MGS感應燈，有齊「！」同「？」兩款，而且只要有人喺前面經過就會自動感應著燈兼出聲。計我話最啱半夜屙夜尿用。 | |
| |
| 根據資料，售價係莫名其妙嘅32000Yen(約2000港元)40個，如果想單買呢，Shopncsx就賣緊24USD(約190港元)一個。其實幾抵玩。 |
