等咗差唔多成年，由宮崎駿執導、吉卜力動畫工作室製作嘅《蒼鷺與少年》終於登陸串流平台！讓影迷能再次重溫呢部奧斯卡最佳動畫，但應該就唔會有廣東話配音喇。

宮崎駿最新作《蒼鷺與少年》去年7月在日本搶先上映，直到12月先登陸香港院線，故事設定在二戰時期，講述少年「牧真人」因為火災失去了母親，加上爸爸娶了母親妹妹為繼室而變得沉默寡言，難以融入校園生活。後來遇上一隻識講人話嘅蒼鷺，受引領下進入異界，展開一段奇妙旅程，從中體悟到生命的意義。

電影在今年成功擊敗《蜘蛛俠：飛躍蜘蛛宇宙（Spider-Man: Across the Spider-Verse）》《元素大都會（Elemental）》、《汪汪夢裡人（Robot Dreams）》等強敵，成功奪得第81屆金球獎及第96奧斯卡與最佳動畫長片獎，同時亦係日本電影界繼《千與千尋》後，第二部獲得此榮譽嘅動畫電影。

順帶一提，由於宮崎駿年事已高，外界一直號稱呢部作品係宮崎老師嘅收官之作，但佢個仔宮崎吾朗早前接受訪問時就透露，宮崎駿並未打算停下腳步，目前正構思新作，將會係一部充分懷舊氣息，令人憶起過去美好時光嘅動作冒險電影，大家拭目以待吧。