|
近年遊戲玩家掀起一陣「反DEI（多元共融）」風潮，指責遊戲開發商為咗加入DEI元素而犧牲遊戲品質。而事件嘅觸發點，其實就係3月時有網民發現唔少「矯枉過正」嘅遊戲，背後都有一間叫「Sweet Baby Inc.」嘅遊戲顧問公司參與，繼而引起一連串後續事件，亦即所謂嘅「Garmergate」。而近日Sweet Baby Inc. 嘅CEO Kim Belair接受網上訪問時，就提到公司面對嘅批評及指責，而佢嘅總結就係「大家只係害怕與記憶不符的東西」，換言之即係各位玩家唔夠「進步」呀。 |
|
 圖片： InclusionFX YouTube |
|
|
訪問中來自著名媒體《The Verge》嘅記者就要求Kim Belair簡單回顧近來針對Sweet Baby Inc.嘅網上批評，而Kim Belair就指自己感覺係「Garmergate」嘅「第0號受害者」，「大家假設我哋嘅工作唔係同故事、敘事或角色有關，而係令黑人角色出現於《Alan Wake II》中（但佢之前提過，遊戲中的確有一個白人角色被換成黑人），又或於《Spider-Man 2》（Sony遊戲）中放入彩虹旗，大家假設我哋『覺醒化（Wokiefied）遊戲。」 「我哋公司參與過超過80款遊戲，所以大家就不停指責『佢哋就係依家啲遊戲咁Woke嘅原因？』…有時佢哋甚至會話『呢個女角嘅設計同以前唔同喎，以前火辣好多喎』，不論我哋真係有份，定係無份嘅嘢，大家都推哂落我哋身上。」 |
|
|
Kim Belair曾經於2019年一個報告上，「開玩笑地」叫大家可以去恐嚇遊戲廠商「唔咁樣做嘅結果」  |
|
|
而當被問到咩係「遊戲覺醒化」時，Kim Belair就指「係多個行業推開極右或極保守想法的思潮運動的一部份…但我覺得好多人都將佢簡化為，見到一個佢哋無預計、不能理解嘅改變…所以就假設我哋呢類人係入侵者。」同時佢亦強調處理敏感議題或文化諮詢其實只佔佢哋工作嘅15%，其餘大部份嘅工作其實係同遊戲開發團隊一齊做敘事設計，「我哋被標榜成一間DEI公司，但其實我哋嘅工作更多係有人打黎，『我哋就開發緊啲嘢，做咗啲選擇，希望你哋黎幫下眼、幫手寫。」 隨後佢亦再次為Sweet Baby Inc.嘅工作辯護，指公司只係「加入新嘅睇法、新嘅想法、新嘅文化，創造一個新嘅體驗」、「除咗嗰班非常小嘅群眾（指鬧緊Sweet Baby Inc.嘅玩家），我覺大部份人其實都想要啲新嘢」、「如果代表性（Representation）等如創新，而創新又代表改變，咁我覺得啲人只係害怕與佢哋記憶不符的東西。大家都有鍾意嘅舊東西，某隻紅白機遊戲之類，但世界會進化、會變。只要大家記得我哋唔單止整緊產品，仲係藝術，我哋就會堅持向目前嘅方向前進。」 |
|