|
如果係對LEGO稍有留意嘅讀者，相信都對香港唯一LEGO專業認證大師（LEGO® Certified Professional）郭子健（Andy）唔會感到陌生。而黎緊你就有機會見證Andy與超過1,000名年輕人聯手完成全長26米嘅立體《清明上河圖》，打破全球最大的樂高立體情景模型嘅健力士世界紀錄。 |
|
  |
|
|
話說為中國銀行旗下「理財TrendyToo」近日宣佈，會同Andy聯手舉行「最大的樂高立體情景模型《清明上河圖》及樂高專業認證大師洪子健作品展」，當中最主要嘅展品，就係全長26米、闊1.78米，使用近300萬粒LEGO砌成嘅立體《清明上河圖》。據知雙方於今年初開始籌備，5月正式動手，細緻地還原宋代畫家張擇端繪製嘅北宋首都汴京郊外春景、汴河水景及城市街景。 而重點中嘅重點就係當中嘅「汴水虹橋」。虹橋實物用上當時最先進嘅建築技藝，唔單止無橋墩、橋柱，連釘都唔使，僅靠木板互相支撐及繩索固定就完成。而Andy製作嘅LEGO模型亦會還原「汴水虹橋」，屆時仲會有香港大學藝術學講師、中國繪畫史專家李俊彤博士，親身帶領「《清明上河圖》世一『鉅』作公眾導賞團」，讓市民深入了解當時汴京城內外的生活百態，以及傳世作品的歷史意義。 |
|
|
「汴水虹橋」     孫羊正店  旅館  城樓  |
|
|
而9月23日時，Andy亦會與包括兩位「DSE超級狀元」鍾柏綸與廖俊翔等1,000名年輕人，於沙田新城市廣場聯手完成立體《清明上河圖》，以求打破世紀紀錄。作品完成後會由9月25日至10月31日於同一地點展出。同場仲會有同樣由Andy製作嘅LEGO雕塑模型作品，「龍行天下」、一對兵馬俑、一隻國寶熊貓及一對「熊貓孖寶」。 |
|
|
兵馬俑 跪射俑  熊貓孖寶  龍行天下  |
|
| 「最大的樂高®立體情景模型《清明上河圖》及樂高®專業認證大師洪子健作品展」
日期： 2024年9月25日至10月31日 時間： 上午10時至晚上10時 地點： 沙田新城市廣場一期3樓中庭 |
|