早於2020年推出嘅影視串流平台Max，坐擁《Game of Thrones》、《Harry Potter》、《DC》、《The Lord of the Rings》等勁強IP，但由於目前僅開放美國及部份歐洲與拉丁美洲地區，身處於香港嘅朋友只能透過VPN方式誇區觀看，不過唔使好耐，香港都有得睇啦！

華納兄弟探索(Warner Bros. Discovery)亞太區總裁James Gibbons日前宣布，Max將於今年第四季陸續登陸香港、台灣以及東南亞多個地區，並於2025年上半年度登陸澳洲，全面取代現有HBO Go服務。另外，James Gibbons亦表示官方將採用直營或合作夥伴等營運模式，以拓展更多市場吸納觀眾。例如日本方面就聯同當地串流平台「U-Next」合作，既有U-Next用戶無須額外加錢就可以觀看Max獨家內容。

而香港方面，目前未知華納會否繼續同收費電視台NowTV合作，將現有HBO Go升級至Max，定還是轉用直營模式，詳情有待官方後續公布。

資料來源：variety