| 老老豆豆，文青細個嗰陣迷過數碼暴龍、迷過四驅兄弟，迷過超速搖搖，但去到爆旋陀螺我就真係提唔起勁。唯一記得嘅佢「唔可以喺船上面玩，因為會爆船」呢個爛Gag，同「我要與你硬碰 以爆裂嘅高速~~~~旋動！」呢首由郭富城主唱嘅港版《爆旋陀螺》主題曲。當時我都好奇怪，「阿王」都已經上哂岸啦，點解會唱首咁樣樣嘅主題曲呢？ | |
到我近排得知原來荷里活諗住拍一套真人版《爆旋陀螺》，我先知道原來阿王係咁有先見之明！！ 話說派拉蒙電影(Paramount Pictures)近年試過將「孩之寶」旗下嘅《變形金剛》同《G.I Joe》改篇成真人電影而且大受好評(Well，除咗《變形金剛4》)，於是決定繼續同「孩之寶」合作推出真人版電影。而今次雀屏中選嘅，就係1999年推出嘅《爆旋陀螺(日文:爆転シュート ベイブレード)(英文:Beyblade)》。據說《爆旋陀螺》系列歷年銷售總額已經達到25億美元(!!!)，09年推出第二代《鋼鐵戰魂》，而黎緊七月仲會推出第三代！所以喺呢個時候推出真人版電影就完全係食哂條水！ | |
| |
問題係一套連細路仔睇都覺得有啲荒謬嘅動畫，加上荷里活CG效果，究竟會成就另一套《變形金剛》定係另一套真人版《龍珠》呢？目前唯一知道嘅就係導演會係《Pacific Rim》同《哥斯拉》製作人May Parent。唔……都叫信心保證…啩？我估？應該？ |
