日本東寶株式會社日前宣布，著名特攝系列《哥斯拉》即將推出全新電影，並確定由《哥斯拉-1.0》導演山崎貴回歸擔任導演、編劇及視覺效果(VFX)。目前官方尚未公布劇情細節、演員陣容、上映日期，但考慮到今次搵嚟山崎貴繼續操刀，加上《哥斯拉-1.0》其實已埋好伏筆，今部新作好有可能係《哥斯拉-1.0》續集。有興趣嘅朋友請密切留注官方社交平台最新動向。

【 緊急告知 】#ゴジラ 新作映画 製作決定

監督・脚本・VFX：#山崎貴

続報を待て#Godzilla@godzilla_jp pic.twitter.com/vxxYGPiQ49

— 東宝映画情報【公式】 (@toho_movie) November 1, 2024

由山崎貴執導、神木隆之介及濱邊美波主演嘅《哥斯拉-1.0》去年11月上映後大受好評，全球斬獲1.15億美元票房成為有史以嚟最賣座嘅日本哥斯拉電影，更揮低一眾荷里活大片榮獲第96屆奧斯卡金像獎「最佳視覺效果獎」，成為首部獲得奧斯卡視覺效果獎嘅日本電影。