相信唔少網友細個都喺明珠台睇過《變形人魔》，內容講述科學家Seth Brundle因為一次實驗事故，意外將烏蠅DNA融入在體內，繼而發生心理及身理上嘅突變，並逐漸變成一隻怪物，多幕核突畫面成為唔少人嘅童年陰影，迫真程度更讓電影在當年贏得奧斯卡最佳化妝獎。電影後來亦有推出過續集《The Fly II》，雖然畫面更嘔心血腥，不過評價不如首集。

事隔30多年，最近20th Century Studios同Chernin Entertainment宣布將攜手推出續集，並邀請到2022年辛丹斯電影節(Sundance Film Festival)評審團大獎得主Nikyatu Jusu執導兼編劇，相信以現今嘅拍攝特技，核突程度將會提升至另一個境界。