 |
|
| 做老千都俾啲誠意好唔好？喺美國加州，早前就有一位2010年勞斯萊斯(Rolls Royce)Ghost車主聲稱在晚上被熊人爆入車廂損壞車廂，而向保險公司要求賠償。咁唔係得個講字架嘛，於是佢仲send埋條CCTV拍到熊人入車搞搞震嘅片俾保險公司......就喺保險公司check真啲條片時，就發現隻熊啲動作有啲怪喎，好似人咁嘅？再睇番部車嘅損傷，好平均之餘，其中一個爪痕仲係有六條痕......喂，熊人同人一樣都係五指，唔係咁吓嘛？最後四人被捕，更被發現佢哋同時仲兩單，分別係2022年平治E350及2015年平治G63 AMG都Claim緊錢，都係被熊損壞，應該都係同一隻「熊」經手啦，橫掂換開衫...... | |