今次Zack Snyder唔拍喪屍、唔拍超級英雄、唔拍太空科幻，而係轉向比較「貼地」嘅警匪動作片。

繼《Army of the Dead（不死喪軍）》及《Rebel Moon（反叛之月）》後，Zack Snyder再度聯手Netflix推出全新電影，不過今次唔再大玩CGI特效及奇幻元素，而係一部以洛杉磯警察局為背景嘅寫實警匪片，探討警員在道德與法律之間所面臨嘅決擇。

據了解，呢部尚未命名嘅電影仍處於早期製作階段，Zack Snyder將聯同曾經合作過《戰狼300》與《Rebel Moon》系列嘅Kurt Johnstad共同撰寫劇本。至於演員陣容及具體播出日期有待官方後續公布。

事實上，Zack Snyder在20多年前剛從廣告業轉行拍電影時，曾希望接拍2003年電影《S.W.A.T.（特警雄風）》，並將其製作成R級，但由於當時片商認為PG-13級別更有市場，所以最後傾唔成事。事隔多年，Zack Snyder嘅警匪片夢終於因為Netflix而有機會實現。