經典喪屍片《28 Days Later（28日後）》最新續集《28 Years Later》今日正式公開首部預告！唔知過咗咁多年後，倖存嘅人類係點樣掙扎求存呢，預計明年6月正式上映。

據官方簡介，自喪屍病毒爆發近30年後，人類文明回到原始社會狀態，其中有一群倖存者聚居在一個小島上，透過一條戒備森嚴嘅道路與大陸相連。故事講述主角因為要執行任務而離開小島，並在途中發現了一些祕密、奇蹟及恐怖事件，從而改變了感染者及其他倖存者們。

《28 Years Later》由首集編導班底Danny Boyle及Alex Garland回歸操刀，並邀請到Jodie Comer、Aaron Johnson、Ralph Fiennes、Jack O'Connell、Erin Kellyman、Edvin Ryding等人主演，而首集主角Cillian Murphy亦會回歸參演兼監製，不過喺預告入面就暫時未見到佢嘅身影，唔通係草叢彈出嚟嗰隻喪屍？

順帶一提，電影全程採用iPhone 15 Pro Max拍攝，對於一部過千萬美元嘅製作嚟講，可謂前無古人，開創了手機拍攝荷里活大片先河。