要講到《Hunter X Hunter》最令人印象深刻嘅造型，莫過於小岡因悲憤而變身成「大岡」，其超長髮趣怪造型一直係動漫迷之間嘅笑話。最近BANDAI又拎呢個look嚟開玩笑，推出大岡造型原子筆，全長60cm還原一柱擎天髮型。

呢支原子筆從頭到腳全長60cm，忠實還原大岡肌肉線條以及萬念俱灰嘅眼神，並附帶一個煙霧特效筆架，拎起頭髮頂部嘅筆蓋就可以書寫，既實用又可以當作擺設。預計2025年6月以夾公仔機景品形式推出，有興趣嘅朋友請密切留意。