| 之前都有講過，Allen Iverson可能係每一個打籃球嘅矮仔嘅學習對象。雖然佢「得」六尺高，但佢有驚人嘅技術、過人嘅速度同永不放棄嘅精神，淨係呢幾樣嘢都絕對值得我哋尊敬呢位無冕之王，亦都令到佢雖然退咗役，但仍然有好多Fans記住佢。啱啱過去嘅星期日(6月7日)，就係Iverson 40歲生日，有Fans就選出佢職業生涯中嘅四十個金球，整咗條片幫佢慶祝。睇完真係好熱血，同時都好掛住當年嘅《NBA地帶》。 | |
| 順帶一提，上次講過，Showtime幫Iverson拍嘅紀錄片喺五月中已經首播咗。雖然香港暫時未有「正常渠道」睇到，但大家咁聰明，應該唔使我教啦下話？ | |
|
