如果大家有印象，早期嘅Pixar動畫都會喺片尾放上（偽）NG鏡頭，例如角色唔記得台詞、工作人員唔小心入鏡、甚至撞到攝影機等蝦碌畫面，但自從《怪獸公司》之後，呢個傳統就停咗。而在今年7月上映嘅《外星奇遇記（Elio）》將會重拾呢個經典玩法，仲率先公開45秒畀大家先睹為快，預計正片嘅NG鏡頭會更長，到時大家記得睇埋先走人喇。

《外星奇遇記》講述一名11歲嘅小朋友Elio自細對宇宙充滿好奇，成日幻想自己能被外星人綁架，展開一場星際大冒險。點知喺某日終於夢想成真，被傳送到太空同各星體領袖舉行聯合會議。喺毫無準備的情況下，Elio只好假扮成地球領袖，同各種奇異外星生物建交，並在過程中結識到外星人Glordon。

電影由《熊抱青春記（Turning Red）》班底操刀製作，並搵嚟金像女配角Zoe Saldana聲演Elio阿姨Olga Solis，其餘配音陣容包括Yonas Kibreab、Remy Edgerly、Brad Garrett、Shirley Henderson等人，預計今年6月20日在美國率先上映，並於7月10日登陸香港。

Pixar過往經典（偽）NG鏡頭：