自從Robert Downey Jr.宣佈以「Doctor Doom」一角回歸MCU，Fans就猜測其餘嘅「元祖復仇者」都有望回歸。而近日就有新傳聞指出Chris Evans的確會於黎緊嘅《Avengers: Doomsday》中再次現身，而且假若情報屬實，仲可能係重要劇情轉折之一！
（以下傳聞或者有雷，請注意。）
New look at the set of ‘AVENGERS: DOOMSDAY’ in Windsor Great Park.There was a windmill with “Chicago” written on it.(via https://t.co/D1Q4ZOB3wT) https://t.co/wv7pw7Pum1— Cosmic Marvel (@cosmic_marvel) June 17, 2025
New look at the set of ‘AVENGERS: DOOMSDAY’ in Windsor Great Park.There was a windmill with “Chicago” written on it.(via https://t.co/D1Q4ZOB3wT) https://t.co/wv7pw7Pum1
卻說早前《Doomsday》嘅劇組於英國溫莎大公園中搭景拍攝。而從網上情報黎睇，《Doomsday》劇組先係搭咗間隔離有個寫住「Chicago」小風車嘅黃色嘅平房，而且同叫「Luke Cage」、「Iron Fist」及「Annie Reynolds」嘅角色有關。值得留意嘅係雖然呢三個名字於Marvel作品中都係真有其人，但於《Doomsday》中就好可能只係隱藏出鏡角色真實身份嘅代號，唔代表Luke Cage等角色真係會出現。
而到近日，有新情報指出《Doomsday》劇組又於間屋附近搭緊個宇宙飛船嘅景，據報隻飛船睇落係Captain Marvel嘅，換言之上面三個代號中有一個應該係佢黎。同一時間，X上嘅爆料者MyTimeToShineHello (@MyTimeToShineH) 指出代號「Luke Cage」其實係指Chris Evans，咁最後一個代號就好可能係Steven Rogers嘅情人Peggy Carter。
有Fans以此為據，推測於《Doomsday》中Captain Marvel會坐時光機或穿越平衡宇宙，去搵於《Endgame》最後回到過去嘅Steve Rogers一同對抗Doctor Doom。
Chris Evans' codename on the set of Avengers Doomsday was Luke Cage pic.twitter.com/dt4IEWVfJz— MyTimeToShineHello (@MyTimeToShineH) August 10, 2025
Chris Evans' codename on the set of Avengers Doomsday was Luke Cage pic.twitter.com/dt4IEWVfJz
雖然上面嘅嘢講到似層層咁，但一來始終係傳言不能盡信，二來《Doomsday》導演Russo兄弟深知劇情保密嘅重要性，早前接受訪問時就提到《Doomsday》為咗避免走漏風聲，唔少場景都係於廠內拍攝，那怕真係於戶外拍攝，佢哋都最好相關情報會洩漏嘅準備。換言之就係大家見到嘅一切都可能只係煙幕。
資料來源：comicbookmovie.com
