每款球鞋設計所用到嘅顏色，都係根據各位主角嘅點題顏色而訂，就算唔係粉絲，都肯定識得分辨每對款式設計靈感係源自邊位主角，而品牌就再將呢啲顏色元素，各自放入retro鞋款裡面；鐵甲奇俠就係紅黃配色嘅Top Ten 2000；美國隊長就係紅藍白色嘅Crazy 97；變形俠醫必然係綠紫色為主嘅T-Mac One；最後，雷神就係紅銀色嘅Real Deal。

預計開售日期係下個月7號，售價每對125美金，暫時就唔見有黑寡婦同鷹眼嘅設計出現。