 |
|
|
為慶祝高達全新官網GUNDAM Official Website正式上線，官方自10月10日起展開特別企劃《全世界高達總選舉2025》，邀請全球Fans票選出世上最受歡迎高達。隨住投票將於12月25日截止，近日官方公布中期結果Top 20名單，當中SEED系列機體佔據近三分一席位，而00系列一部都入唔到榜。 |
|
 |
|
|
《全世界高達總選舉2025》TOP 20名單（排名不分先後）： 高達卡利班－《機動戰士高達 水星的魔女》 命運高達－《機動戰士高達 SEED DESTINY》 嫣紅突擊高達－《機動戰士高達 SEED》 Z高達－《機動戰士Z高達》 神高達－《機動武鬥傳G高達》 風靈高達－《機動戰士高達 水星的魔女》 突擊自由高達－《機動戰士高達 SEED DESTINY》 高達Mk-II 奧干規格－《機動戰士Z高達》 自由高達－《機動戰士高達 SEED》 命運高達 Spec II－《機動戰士高達 SEED FREEDOM》 高達 F91－《機動戰士高達F91》 突擊自由高達極－《機動戰士高達 SEED FREEDOM》 高達（RX-78-2）－《機動戰士高達》 飛翼零式高達（EW版）－《新機動戰記高達W Endless Waltz》 全裝甲獨角獸高達（破壞模式）－《機動戰士高達UC》 高達G-SELF－《高達 Reconguista in G》 ν高達－《機動戰士高達 馬沙之反擊》 ∀高達－《∀高達》 紅色高達－《機動戰士Gundam GQuuuuuuX》 高達巴巴托司狼式－《機動戰士高達 鐵血的孤兒》 |
|
|
從中期結果可見，《機動戰士高達SEED》系列依然非常受歡迎，喺Top 20名單中佔咗6個席位，除咗舊版嘅「自由高達」、「突擊自由高達」、「命運高達」同「嫣紅突擊高達」，劇場版《SEED FREEDOM》新加入「突擊自由高達極」同「命運高達 SpecⅡ」亦榜上有名，新舊機體齊齊上榜。相比之下，《高達00》系列就明顯失利，就連「00 Raiser」、「高達Exia」等人氣機體都唔見蹤影，令唔少Fans大感意外。 另一方面，宇宙世紀（U.C.）系列多部名機依然穩坐人氣位置，包括「RX-78-2」、「ν高達」、「高達F91」、「獨角獸高達」等等。至於「∀高達」同「G-SELF」呢類整體熱度相對較低嘅作品都成功擠身Top 20，反映今次投票並非完全由主流作品壟斷，仍有唔少觀眾力撐自己嘅心水機體。 |
|
 |
|
|
投票將於2025年12月25日截止，每人每日都可以投一次票，最終結果將於2026年春季公布。第一名機體將獲得官方繪製全新插圖以作紀念，各位未投嘅高達迷要把握時間啦。 |
|