Amazon Prime Video人氣反英雄劇集《The Boys（黑袍糾察隊）》終於踏入最終章！官方近日率先公開首條預告片，揭示Homelander與Billy Butcher為首嘅The Boys將迎來最後對決，並確定第五季（最終季）將於明年4月上架。

第五季將延續上季劇情，講述世界已完全落入Homelander掌控，一切都要服從佢反覆無常、極度自我中心嘅意志。Hughie、Mother’s Milk同Frenchie等The Boys成員被囚禁於一個名為「Freedom Camp」嘅地方，而Annie就試圖組織反抗，對抗呢個由超級能力者統治嘅世界。就在形勢急轉直下之際，Butcher再度現身，並打算使用一種能夠徹底消滅所有超能力者嘅病毒，準備同Homelander展開最後一戰。創作團隊早前曾透露，由於唔使再為後續劇情鋪路，今季將會有大量角色死亡，仲有更多意想不到嘅劇情發展。敬請大家拭目以待。

《The Boys》第五季將於2026年4月8日於Amazon Prime Video上架，首播會一次過推出兩集，其後每星期更新一集，最後一集大結局將於2026年5月20日播出。