|
上週末日本寫真界傳出悲報。2020年出道、擁有100cm I Cup上圍嘅著名寫真女星「藤乃あおい」因不敵癌症宣佈離世，終年僅27歲。大量Fans及同行女星都留言表示婉惜，表示懷念其明亮笑容。 |
|
|
「藤乃あおい」患病後嘅照片    「藤乃あおい」前期寫真作品    |
|
|
「藤乃 あおい」出生於日本石川縣。2020年7月1日出道，並因擁有豐滿上圍而以「加賀屋百万石胸部」（借用當地著名景點而來）作賣點，結果出道首隻寫真DVD就已經奪得大型販售平台「DMM」嘅年度水著寫真DVD銷量冠軍。隨後佢亦橫掃多個寫真獎項，當中包括2020年12月於「東京Lily」網民票選中獲得「新人偶像賞」第三、「攝影會大賞」第一；2021年初於双葉社主辦嘅「日本IV大賞 2020」中獲得新人賞；2021年末更於「年度寫真大賞 2021」中獲得總冠軍，乃係當時人氣最盛嘅寫真女星之一。 可惜自2022年10月起佢身體就出現狀況。先係右耳聽力下降，經過大量檢查後發現為「副咽頭間隙腫瘤」，而且於2023年1月確認為惡性，於醫生建議下立即進行化療。而佢亦於同年4月宣佈停工休養。 |
|
|
|
|
2024年8月時佢曾一度復出參加活動，而且仲有參與寫真拍攝，但其實當時嘅身體狀況並無明顯好轉。2024年11月時佢曾入院進行手術切除腫瘤，但術後體內仍有癌細胞殘留，而且腫瘤於短短半年內就已經回復手術前嘅大小。由於情況不容樂觀，佢決定於同年7月1日，即出道紀念日當日正式引退，回到石川縣老家與父母生活。而其母親就於今年1月9日借用其X發文，表示佢已經1月5日離世，並感謝各界對女兒嘅愛戴及照顧。
「藤乃 あおい」嘅英年早逝引來大量Fans及寫真同行留言表示婉惜，尤其同行都大讚「藤乃 あおい」個性溫柔、笑容明亮，而且樂於照顧別人。 |
|
|
資料來源：Oricon News |
|