| 家陣啲蛋糕真係可以玩得好盡，天花龍鳳，幾乎你想整到似咩樣都得。其實，要多謝一種叫「翻糖蛋糕」嘅東東，佢係藝術蛋糕嘅一種，鋪在糕面、可以被製作上不同模樣嘅材料就叫造翻糖（Fondant），由於可以被搓揉壓變，靈活度非常高，唔似一陣風嘅cream咁無發揮空間，於是乎，大家就可以靠佢發揮小宇宙，就算你話要放條龍係蛋糕上面都無問題。
各位Gentlemen，可能你會覺得，呢啲甜到漏嘅翻糖蛋糕關自己咩事，但你咁諗就錯啦！如果你唔俾啲心機，為即將生日嘅另一半諗定送俾佢個蛋糕係咩樣，俾返啲驚喜佢，無好諗住又求求其其走去買「美x」、「聖安x」蛋糕，小編擔心你命仔不保喎！ 以下就收集咗非常出位嘅翻糖蛋糕設計，部份幾乎仲同實物有九成相似，大家及早參詳一下，或者從中偷師啦！
|
