講起「電腦九龍城」，你一係會諗起九龍城，一係就會諗起「高登」同「黃金」。但其實呢個世界仲有一個位於九龍寨城入面嘅「電腦九龍城」，而最出奇嘅仲係個九龍寨城，根本唔喺香港添！

鏽跡班班的外牆上面寫住「贅沢三昧　超娛樂魔窟煩惱覺醒」、「一日五食電腦九龍城二升五合」嘅疑似對聯。唔好問我係咩意思。

冇錯，就係呢個我哋之前上年有報導過，位於日本神奈川縣川崎市的「川崎倉庫遊戲機公園」。近期「東京別視點Guide」就去咗做一個遊記。就等我同大家溫故知新啦。

一睇個門口就知廢墟味湧哂出黎。

一入去就會見到「電腦九龍城」五個大字，然後穿過血紅色門之後就會黎到一條貼滿港式街招嘅長走廊。最令人驚喜嘅啲街招係解得通架！唔係求其打啲漢字上去就算架！

而如果你由停車場入口入，就要自經過一道「太極門」，再跨過一個綠色水潭先可以上二樓。

二樓就係戲肉所在，亦即係上次同大家報導過超像真佈景啦！

不過計我話最有心思嘅係啲遊戲機台。就好似呢部夾公仔機同唱錢機咁，係明顯地有特登舊化襯返個場境！

就連個廁所都有舊化！唔好睇佢好似好殘，你睇個尿兜入面就知其實係成日有人清潔，所以好乾淨架！

不過一切都只係去到

都係嗰句，日本人做嘢有時真係(過份)認真得好緊要！不過人家唔認真，我哋又邊有得感受一下當年嘅「寨城氣息」呢？