當然，呢類移形換影招數，放諸四海都可以用到，成功與否，視乎我哋有無眼光敢嘗試，而運動品牌方面，Nike就最識得耍呢類合拼、分拆再上市嘅招數，最新出爐嘅Nike Roshe Cortez SP系列，就係集合咗品牌兩大精英鞋款Roshe及Cortez精髓而成。

今年極受品牌力捧嘅Roshe鞋款，幾乎每個月都有新設計推出，況且論外型佢又幾鬼瀟灑有型，兼且輕身易襯，要繼續上位毫無難度；而Cortez就係經典嘅「阿甘鞋」，長窄身襯紅白配色大家一定記得，兩者互有優點之下，品牌就索性抽取兩組鞋款基因，將Roshe嘅Natural Motion鞋底，拼湊Cortez經典鞋型及原始配色，造就Roshe Cortez SP系列出現。

留意鞋墊位置特別地印有「Blue Ribbon Sports」標誌，以保留復刻味道，而新系列備有黑x白及紅x白兩色選擇。