| 1915年，可口可樂設計咗一款至今仍然相當流行嘅玻璃弧形瓶，當年嚟講，該瓶身設計可以話係劃時代，品牌創出新瓶設計前講過，呢款瓶身要係黑暗中單憑觸覺就能辨認，甚至摔爛一地時都可以一眼識別，而當時，來自印第安納洲嘅Root Glass Company，就以可可豆嘅形狀中取得靈感，創造出上下皆窄中間闊，拎起手時手感極好嘅瓶身設計，直到目前為止，弧形瓶在全球錄得有3000億個銷量。
最初版弧形瓶身
弧形瓶身設計初稿 品牌當然唔放過呢個百年難得嘅紀念兼宣傳機會，就係美國亞特蘭大高等藝術博物館，舉辦「可口可樂弧形瓶︰歷經百年的美國經典展覽」，在場有超過100件以弧形瓶為創作主題嘅原創藝術品，包括Andy Warhol首次展出嘅兩幅畫作，以及瓶身初版原型、手稿等等都會同場出現，為期由即日至10月4日，身為粉絲但去唔到美國睇展？唔緊要，9月份佢哋就會將個展覽原原本本搬到上海。
美國亞特蘭大高等藝術博物館
Andy Warhol首次展出嘅有關畫作
歷年弧形瓶身設計 |
