MenClub口號話明「Be a better men」，當然有責任教你如何去做一個成功好男人。學魏文青話齋，之前恥笑完「魯蛇（Loser）」，就要教返你學做「溫拿（Winner）」。

正所謂，一日之計在於晨，真係唔講得笑。當你唔小心瞓晏咗，咬住個包，匆匆忙忙趕返工之際，溫拿其實已經依照日常的生活節奏，好好利用早晨，踏出超一步的人生。聽落係咪好神？外國著名經濟雜誌《Forbes》，就刊載了「成功人士在早上8點前做的5個習慣」，一齊參考下啦～

1.運動
早上做運動，身體就好似叉咗電咁，返工辦事都會更有效率。就算冇辦法太早起身，去慢跑、瑜珈或者做Gym，其實早起15分鐘，做下Siy-up、掌上壓、伸展操，一樣冇問題。

2.做一個時間表
喺開始一日的活動之前，不妨思考一下，今日應該要做的事情的優先順序，有效率地規劃接著的時間。

3.健康的早餐
唔好諗住早餐飲杯咖啡就夠。為咗喺Lunch Time前都有足夠的能量工作，應該要好好攝取營養的早餐。

4.冥想
趁早上寧靜的時間，盡量冥想或者思考，想像一下自己成功的樣子，內容越具體、越積極越好，咁樣冥想，唔單只會令你精神振奮，對於一整天工作的思考方式，都會有較好的影響。

5.先解決不想做的事情
每個人都有自己討厭做的事，但如果一直推遲唔做的話，就會有種越來越煩的感覺。反正都要將事情解決，不如就趁早上精神充沛時完成佢，唔單只人又輕鬆咗，之後你仲有足夠時間做自己想做的事。