| 每年六月份，意大利男裝界盛事，位於佛羅倫斯舉行嘅Pitti Uomo時裝展已經嚟到第88屆，上星期五宣佈完美落幕。每年，地球上嘅有型士都會聚眾於此，個個一絲不荀打扮現身佛羅倫斯街頭。 Pitti Uomo有乜咁巴閉？點解可以成為世界性男裝界嘅指標，每位型男都要俾面出席呢？簡單解說，除咗展示來季最新潮流走勢外，只要有某品要想踏足世界舞店，就先得過Pitti Uomo時裝展，如果唔係就咪駛旨意可以同世界觀眾見面，行業嘅大門唔會為你而開。查實呢個說法早就係男裝界別內盛傳，係全球男裝行業公開嘅秘密。 無論Giorgio Armani定係Valentino Garavani，都曾經係Pitti Uomo進行過首場時裝騷，從而獲得世界時尚圈中人所注視，而Salvatore Ferragamo、Roberto Cavalli、Emilio Pucci等多個國際大牌，都以佛羅倫斯為基地，相比起法國巴黎，該地集結咗更強大嘅男牌品牌網絡。 Pitti Uomo時裝展場內精彩，但場外更加精彩，幾日內集結咗世上最多嘅有型士於一地，仲唔即刻走過嚟學人點襯衫，免費上堂！
相片來源︰http://pausemag.co.uk/ |
