| 日本面對「M型社會(即中產階級消失，富者越富、貧者越貧)」問題都唔係啲咩新聞，但你又知唔知其實日本人仲面對緊另一個好重要嘅問題，而且仲嚴重到會影響所有男士嘅福祉－－「巨」型社會！ | |
| |
冇錯，係「巨」；亦都冇錯，係你諗緊嗰到「巨」！女性內衣品牌黛安芬由2000年開始統計品牌於日本嘅銷售數字，以推算日本女性嘅上圍Size，發現A、B、C Cup嘅女性每年遞減，但D、E甚至F Cup女性就以倍數上升！
根據2000年數字，銷售數字最高嘅為B Cup(30.5%)同C Cup(21.4%)，但2014年數字顯示B Cup女性佔百分比減少足足10%，只有20.5%，C Cup稍稍上升至26.3%。反觀D Cup百分比由2000年嘅17.7%上升至24.1%，E Cup就更加係翻咗一倍有多達16.2%。即係話如果呢啲數字可靠，你喺日本街頭睬埋眼隨手揸(「如果」咋下，唔好真係試呀)，有4成機會會比你揸到個D Cup或以上！ | |
| |
| 不過呢樣都唔係最令我心痛。事關A Cup佔百分比由2000年嘅「絕對多數」32.3%，急劇下跌至2014年嘅5.3%，甚至比起F Cup(6%)都仲要少！即係話喺日本，你要搵個貧乳女，仲難搵過「一手不能掌控」嘅F Cup女！！！天呀！！！點解咁唔公平架！！！！ | |
| |
不過咁，作為一個理性思考嘅Gents，當然係唔會比啲咩「胸」呀，「F」呀沖昏頭腦。首先你應該要質疑一下數字嘅變化。因為個數字雖然橫跨十幾年，但胸呢家嘢去某個歲數就應該唔會再大。換言之喺2000年時係B Cup嘅女性，去到2014都應該會喺B Cup，但數字就話B Cup人數少咗三份一，咁係咪代表有「後天人工栽培」嘅嫌疑？第二，呢啲其實係內衣嘅銷售數字，而唔係真正嘅人口普查，換言之係冇辦法睇到有冇人弄虛作假，明明A Cup胸就買D Cup Bra再攝報紙落去扮有D！ 簡單啲黎講，就係除非親身去體驗過！如果唔係係冇辦法知道日本女仔係咪真係步向「巨乳化」－－放心，呢啲粗重功夫交比我就得啦！ | |
| NicoVideo |
