近日《侏羅紀世界》上映，不禁令人回想起22年前套經典電影——《侏羅紀公園》。當時呢套由史蒂芬·史匹堡執導的科幻電影，創下全球電影票房最高紀錄，直至2007年為止，仍然名列全球票房榜前十名之內，到今時今日，都仲保持著全球電影票房第17位，亦係史匹堡執導生涯之中票房最高的電影，可其巴閉！

當然，成功的電影唔只係導演的功勞，電影特效同演員都係其因素之一。回想《侏羅紀公園》，Mean娜印象最深刻的，就係兩位小演員同大人走失，一齊戰戰競競面對恐龍！兩個童星雖然年紀小小，但演技精湛，得到高度評價。事隔22年，侏羅紀重出江湖，昔日的小演員，而家又變成點？

不過佢後來冇繼續發展星途，反而踏上了藝術之路。

Ariana經過紐約Skidmore College及Art Center College of Design的訓練後，成為一名出色的油畫家，目前仲喺藝術中心設計學院及西俄勒岡大學任教。

其實Ariana天生就流著藝術家的血，佢外婆係文藝復興時期，意大利畫家Carlo Crivelli的後裔。喺《侏羅紀公園》上映後，Ariana就開始苦練畫工，之後都好少再拍電影。

至於另一位小男孩Timothy "Tim" Murphy（由Joseph Mazzello飾演），長大後依然係演員，仲要生得鬼咁靚仔！

佢曾經喺2010年電影《The Social Network》中飾演主角的朋友；同年亦喺HBO的迷你影集《The Pacific》中，扮演主要角色Eugene Bondurant Sledge，都算係過得唔錯嘅。