| 如果早幾日你問我點先算係「民主」嘅表現，我可能都仲會答你啲咩「公民提名」、咩「真普選冇篩選」。但到今日，我會話你知，真正嘅民主，就係連丹爺(Dan Bilzerian)都可以參選！！而且佢仲真係喺紐約「The Marque」整咗個競選派對！ | |
| |
| 如果你唔知丹爺係乜水，相信你真係睇得我哋唔夠耐。因為過去呢年令我哋就曾經報導過佢喺天台掉AV女優落水、藏有爆炸品而被通緝同比人笑腳幼所以反X人，仲未計佢開P攬女賭啤撚槍呢啲「日常生活」。換言之佢同一個「合適總統候選人」嘅距離，就大概係我哋同佢之間嘅距離。又換個講法，佢話選總統，同Tree根話選總統一樣咁得人驚！ | |
有記者進入丹爺嘅競選派對，發現所謂競選派對同一般夜場冇咩分別－－只係多咗啲美國國旗嘅裝飾。
| |
呢個就係民主最值得尊敬嘅地方啦！因為雖然根據傳統，總統候選人應該要經過地方或政黨初選先可以進入全國大選，但其實根據美國憲法，只要你係美國出生嘅美國公民、於預定就職之日年滿35歲，兼喺美國住滿14年，就可以參選總統。目前丹爺只係34歲(1980年12月7日)，但由於下屆總統任期係由2016年12月17日開始，啱啱好夠36歲。所以唔好理佢玩女玩槍喺Instagram做過啲乜鬼嘢，反正佢就係符合參選資格！ 咁丹爺嘅政綱係咩呢？暫時冇人知，但據聞佢曾經喺派對上講過會將「嫖妓合法化！」咦？當年有個講嘢好唔正嘅香港議員，唔係都講過「女人都係雞」咩？ | |
| |
| 但又好老實講，就睇連恤衫都冇著返件，真係唔知丹爺係真心參選，定只係用總統選舉做綽頭。但既然佢黎緊仲會去Boston出屆另一個競選派對，又連衫都出埋，就算玩，佢都玩得幾認真！ | |
