Mean娜自問算係一位專業的失眠魔人，真係試過好多方法令自己唔再眼光光，望天光。坊間流傳唔少解決失眠嘅方法，例如數綿羊、瞓前飲杯熱鮮奶、冥想等等……亦都有人話可以試吓聽純音樂。聽純音樂呢招效果好似唔錯，但畀唔畀到寧靜感覺真係好主觀，如果係流行曲的純音樂，分分鐘夜晚就變成你的填詞時段。

究竟點樣嘅音樂可以真正幫人入眠呢？如果有科學實驗會唔會有說服力啲？

呢個說法並唔係吹水。因為喺2011年，美國的Mindlab Institution就以實驗證明，聽完《Weightless》後，有11%嘅人覺得有放鬆效果、65%嘅人感到不再緊張、11%嘅人心跳數降低，甚至有人形容「簡直好似係睡魔嘅誘惑」。所以《Weightless》曾一度被稱為「最令人放鬆的音樂」。

其實除了《Weightless》的音樂，佢嘅MV都有玄機。Marconi Union特登揀英格蘭西北部嘅湖區拍攝MV，當時使用了數台無人機，拍攝出幻想般嘅光影移動。配合音樂節奏，睇落的確有點催眠效果。