| 學大劉個仔話齋，少去日本旅行，少啲出外消費，必定會令你更易達到儲錢大計，咁照佢咁講，連同女朋友出街時嘅駛費都要慳住慳住啦！唔好話送個香奈兒手袋，香水辦都好難送到一枝。但係逢親大時大節，得個人到禮唔到，就算女朋友知你為將來默默耕耘唔隨意用錢，但你都唔好意思啦！唯有轉個角度，嘗試從心出發，用心思及誠意搭救，學吓整手繪圖，發掘身邊隨手拈來嘅材料，就算士多啤梨蘋果橙都無問題。 時裝插畫師Gretchen Roehrs就即席示範咗套招式俾大家傍身，將時裝同生果combine埋一齊，畫咗幾幅cutie得嚟又幾氹得人歡喜嘅時裝插畫，簡簡單畫咗幾張連還圖加個車厘子，sweet啲咪寫多幾句說話氹人歡喜囉，有時生活就係咁簡單，simple is the best呀嘛！
|
