| 2016年奧運，大家都應該知道會喺南美洲，巴西第二大城市里約熱內盧舉行，成為史上首個南美洲城市舉辦嘅奧運會，咁威水，當局梗係想乜都做得好好睇睇，雖然不斷有報導話部份場館有可能趕唔切開幕日完成云云，不過希望在明天，一日未到開幕當日，都唔可以下定論。
負面嘢唔講，講番佢哋新鮮出爐，奧運會嘅象徵——火炬，由來自聖保羅設計公司Chelles & Hayashi負責，主題想要表達巴西嘅風土人情，所以，便設計了5條環繞曲線在火炬之上，用以代表太陽、天空、山脈、海洋及大地，同時用上當地人極愛嘅鮮艷顏色去代表，另外，為了推祟大自然，製造火炬嘅物料都專登利用再生鋁及樹脂合成，盡量達到環保要求。
呢枝全新火炬，將會係2016年5月開始係巴西境內開始傳遞。 |
