黃子華喺《拾下拾下》入面有講過，啲人去問觀音借庫，永遠都係借幾千萬，從來冇見過人借幾億，因為根本冇人知點樣使幾億，「用一億同爸擺大壽？點擺呀？咪連貼士都要畀幾千萬？」 嗱，呢個就關你個人嘅境界去到邊嘅事啦。你諗下一個普通男人，唯一有機會接觸「幾億」，大概就係夜半無人打J時，有啲男人可能仲冇添。但如果你係波神Michael Jordan，你每年嘅收入唔係幾億，係「十億」；而且唔係港紙，係美金！咁大舊錢，點使好？我就同你哋睇下波神點使。 | |
先講下佢呢十億收入喺邊到黎。正如文青喺「96公牛去哂邊」入面講過，波神近年嘅最大工作就係不停出Jordan鞋呃你錢。而觀乎Jordan依家出咩鞋都咁好炒，你就知佢同Nike賺唔少。據稱波神每年會從Nike手中得到1億美金版權費，記住，係每年。作一個比較，波神做球員嘅所得總薪酬大約係9000萬美元。 | |
| |
| 另外，佔據波神資產最大部份嘅就係佢隊夏洛特黃蜂。2006年波神購入當時名為「山貓」嘅破洛特球隊酆份股權，成為第二大股東兼掌控一切籃球事宜。2010年又同最大股東Robert Johnson達成協議，令佐敦成為第一位NBA前球員班主。據報當時佐敦花費大約2.75億美元購買球隊股權，而隨住近年球隊成績有所改進，隊波越黎越值錢，佐敦嘅股份現值大約7.5億。 | |
再加上佢為服裝品牌Hanes，以及知名遊戲系列2kSports嘅代言人收入，湊埋就有10億美金啦。 | |
咁佢點使呢10億呢？首先，佢有一架印住大大個Air Jordan標誌，編號「N236MJ」嘅私人飛機。順帶一提，23當然係佢嘅背號，6就係佢嘅NBA冠軍指環總數。 | |
然後佢又用1280萬美金喺佛羅里達州起咗間佔地28000平方尺，有11間房、泳池、籃球場等等等等嘅大宅。
Well咁人家話哂都係夏洛特黃蜂嘅班主，當然就要有間屋喺夏洛特啦。呢間就細啲，12000尺到啫，280萬美金直頭係超值添啦！
Oh，唔好唔記得佢發跡地係芝加哥，咁理所當然都會有間屋啦。不過佢都諗住賣咗呢間56000尺、15間房連花園、球場、Gym房、泳池嘅舊屋啦，1500萬美金咋喎！ | |
傳聞鍾意打Golf嘅佐敦因為唔滿意自己去開嘅Golf Club，所以又想自己起一個。有錢真係好任性。 | |
咁如果佢想去渡假又會去邊呢？答案就係租隻154尺長、長到唔可以稱之為「艇」嘅遊「船」，「Mr. Terrible」出海玩。 | |
與此同時，53歲嘅依然有做GYM嘅習慣。
仲係Bejeweled高手添！ | |
更重要嘅係，佢仲影響咗好多新一代NBA球員。例如「狼王」Kevin Garnett早前就公開表示有興趣入股狼隊，仲話係受到佐敦影響添。咁就啱啦，咁高比佬退役之後就買湖人、AI返黎買76人。咁「大帝」占士？就緊係買起成個NBA啦！ |
