成日聽人話，多做愛做的事，身體都會健康啲，原來係有根有據，唔係用嚟呃蝦條！！有醫學研究證實，啪啪啪可以適當地讓體內血液加速循環，唔單只令外在保持年輕活力，對內在保養都好有效果，既可以加強心肺功能，又可以燃燒脂肪。每週2次性行為，仲可以提升人體免疫系統，達到預防感冒嘅效果。如果每週至少3次性行為，中風機率仲會減半！真係勁健康！不過，如果縱慾過度，反而會降低身體嘅防禦能力，所以大家要適可而止。 除咗啱啱提過嘅好處外，究竟啪啪啪對身體仲有咩益處呢？一齊睇過！ | |
| |
| 1.預防心臟疾病 啪啪啪可以令骨盆、四肢、關節以及肌肉有更多活動，除咗促進血液循環，仲可以增強心臟功能與肺活量。但係已經有心臟疾病嘅人，就應該避免太激烈嘅動作，否則有機會造成心肌梗塞。 2.保護前列腺 性發育成熟嘅男士，要定期射糊，先可以幫助清除前列腺內堆積嘅前列腺液。如果儲存太多前列腺液，就會令前列腺谷住谷住，影響佢健康。 3.減少皮膚疾病 啪啪啪可以均衡新陳代謝，促進皮膚血液循環，令皮膚煥發緊緻。 4.舒緩疼痛 當性愛達到高潮時，腦中就會釋放內啡呔，提高人體忍受疼痛的能力，不過效果都係暫時性。 5.減輕心理疾病 性愛可以抑制體內壓力荷爾蒙，掃走憂鬱情緒，令心情愉快。 |
