「遇怪魔我即刻變大個 遇見高手痛快得多 一激起我就有火 盡快盡快辨勝負 亦不必想再拖！」每一次聽到呢首《數碼暴龍》主題曲、甚至只係打呢幾句歌詞出黎，文青就會不期然毛管戙！無他嘅，呢套卡通實在太經典啦！真係好懷念當年星期一三五《數碼暴龍》、星期二四《寵物小精靈》嘅好日子！ 而唔經唔覺，呢段好日子原來已經過咗15年！2014年乃係《數碼暴龍》動畫開播十五週年紀念。而上年今日，東映就公佈會有「數碼暴龍大冒險15周年紀念日計劃」，本來就係指預計2015年春天開播劇場版《數碼暴龍大冒險tri.》，不過後來又改成11月21日上映第一章《再會》。 | |
| 咁係咪代表你仲要等多三個幾月，等到眼水都乾埋呢？答案係部份正確。因為你的確係要等多三個幾月，但唔使等到眼水都乾埋－－官方出咗八神太一同款護目鏡呀親！ | |
| |
| 大家都知「護目鏡」係歷代數碼暴龍主角嘅特色之一，今次出嘅八神太一版除咗個樣之外，據稱連物料都忠實重現(呃…其實有人知八神太一嗰個係咩物料咩？)！價錢係4860Yen(約300港紙)，即日起至9月30日可以去Bandai網站預訂，12月出貨！咪先，咁咪即係要先等到眼乾，先等到個諼目鏡黎等自己唔好眼乾？ | |
| |
| 而且Bandai仲公佈今年年尾會有《數碼暴龍》嘅紀念產品，睇個勢就似係八神太一佢哋用嘅暴龍機！係咪又要開始Chok機啦？我打咗咁多年＿機我準備好架啦！要幾多步你講！ |
