我知...夜媽媽Post食物係好邪惡，忍唔到好食口嘢仲好易肥添。尋日見到有巴打留言，話跑完16k，返到嚟見到意粉薯條嘅Post，表示情何以堪呢？所以，今日唔再誘惑大家食宵夜，改為冇胃口之夜！有咩方法可以冇晒食欲？相信睇日本的地獄盛，應該有啲幫助。

所謂地獄盛，其實就係指無敵大份量，遠遠超過啲咩「大份量」、「加大份量」……而之前有研究顯示，如果長時間望住一樣食物嘅大量圖片、或者係望住超多份量嘅食物，就會變得冇咁餓，對食物嘅興趣都會降低，事實證明，大部份人都會因此降低食欲，所以你想今晚唔再口痕食宵夜，睇排山倒海嘅地獄盛應該冇錯。