| 對上一篇介紹八神太一個護目鏡時都有約略提過，本身嘅《數碼暴龍tri》應該係電視動畫，但唔知因為咩原因，原定春天開播(當時所有人都以為係4月新番)嘅動畫最後彈票，之後就(偷偷地)改為「2015年製作」，而且由動畫改做一連六集劇場版！第一集就係黎緊11月21日上映嘅《再會》，近期仲出埋先行版預告添！ | |
先出場嘅當然就係不死嘅主題曲同回歸二常生活嘅八個「被選中嘅細路」。八神太一依然熱血、大和唔知點解做咗金髮傻仔、阿空同光子郎冇變過、美美越黎越似死港女、而阿助(香港版係咪呢個名?)就做咗毒L。之於阿武同小光……就繼續係阿武同小光囉。
| |
片入面亦出現幾個疑似新人物 | |
之後黎到副歌部份，就係八隻成長期伙伴啦！
| |
到最後就終於交代咗些少劇情，見到暴龍獸同古加獸喺夜晚嘅現賽世界中打起上黎。睇落去就同當年「光子丘事件」似曾相識。
| |
究竟主角同伙伴們會點「再會」呢？個劇情又係咩呢？睇黎就要等電影上映先知啦。講開，成個系統有成六集…咪又拖幾年…… | |
|
