1. 高潮可以令人返老還童

返老還童係誇張咗嘅！根據前英國皇家愛丁堡醫院老人心理學部主管David Weeks所做嘅調查，訪問咗3500個人，發現得到越多高潮嘅人睇落去越後生，甚至發現做愛係僅次於運動嘅最佳防老方式！原來AV入面嗰啲美容院美美下會搞起嘢上黎係有道理架！

2. 高潮係高效天然減壓方式

當人高潮時，大腦下視丘「室旁核」與「視上核」神經元會分泌出一種叫做「催產素」嘅激素。催產素有助於減輕壓力同紓緩疼痛，令人感到溫暖同向正面思考，以及增加自信及信任。由於對兩性相處十分重要，所以又稱為愛情激素。如果無法分泌催產素，就會無法產生同情，會變得反社會、自戀及有精神病傾向……咁似講緊我嘅？

3. 高潮有助入睡

相信大家都試過，夜媽媽無啦啦失眠。眼光光望住個天花板勁耐都瞓唔著，於是你把心一橫：「唔係啦！咁樣落去唔得！打個飛機先！」你可能以為咁係因為「打個飛機」呢四隻字消耗咗你好多力，但其實一切都同腦分泌有關。原來高潮時腦內除咗會分泌催產素，仲會分泌「抗利尿激素」，而兩者加埋又會引發分泌「褪黑素」。而褪黑素會影響人體生理時鐘，等身體進入休息狀態，所以你就較為容易瞓著啦！

4. 自慰都有世界紀錄

根據每年都會舉行嘅性文化節「Masturbate-a-thon」嘅紀錄，2012年由男優Sonny Nash創下嘅最長自慰紀錄係10小時10分鐘。一定好粗定啦……佢隻左手……

5. 精液有抗抑鬱作用

咪先！冷靜啲！唔好隊埋去條女到先！因為根據紐約州立大學喺2012年訪問咗293名女性嘅調查，定期有不安全性行為－－係，即係中出－－嘅女性會少啲抑鬱，而且喺認知測驗中嘅表現都會較好。

佢話因為精液中含有皮質醇(有助增進感情)、雌酮和催產素(有助改善情緒)、甲狀腺素(抗抑鬱)、褪黑素甚至血清素等等激素，簡單啲黎講就即係一劑天然興奮劑喎！

不過佢冇講明要口服定內用，所以……辛苦各位Gents啦……

6. 高潮令你長命

準確啲，係高潮會增強你的免疫系統。根據英國醫學期刊喺1997年所發表嘅報告，每個星期有兩次或以上高潮嘅人會比不足呢個數嘅人長命8年！原因係高潮會增強你嘅免疫力、心臟功能同腦力。

7. 高潮可以練好啲

話說人類男女嘅恥骨附近都有條「PC肌肉(Pubococcygeus muscle)」，作用係控制小便、保持平衡等等。更重要嘅係當你高潮呢條肌肉都會收縮，而收縮嘅程度就會影響你高潮嘅強度。換言之你練好呢條肌，你就會有更高品質嘅高潮！咁點練好佢呢？坊間有一種名為「Kegel Exercise」嘅骨盆運動，就能夠有效鍛鍊PC肌。我知你哋一定好想知究竟點做架啦，所以連Link都搵埋畀你啦。

8. 男性平均射精速度為45km/h

生動啲講，就即係你啲子孫飛得快過飛人保特(44.7km/h)。不過當你啲子孫進入陰道(或者紙巾)，佢嘅速度就會大副減低。穿過只長六吋嘅子宮頸要五分鐘，接住落黎更加要三日先到卵子所在。

9. 越老越識嘆

根據LELO全球性愛調查，只有31%女性能於性交中得到高潮，而只有4%女性感到滿足(你叫啲男人情可以堪呢…)。但隨住女性年齡漸長，佢哋滿足程度亦會增加，其中60歲以上女性更有75%表示比起年輕時更滿足於性愛。計我話會唔會係人大咗，個標準都低咗，所以「有」就已經好滿足呢？

10. 高潮會死

冇錯，就係字面咁簡單。某啲女人會於高潮時短暫昏迷，更有人可能會有心臟衰竭以至死亡。